الرئيسية / أدب البيظان / لكطاع / إكطاع بعد خروج النتائج وانتظار خروج نتائج التحالفات الحزبيةالميزان والوردة والمصباح والسنبلة

إكطاع بعد خروج النتائج وانتظار خروج نتائج التحالفات الحزبيةالميزان والوردة والمصباح والسنبلة

إكطاع بعد خروج نتائج الاقتراع وانتظار نتائج التحالفات الحزبية
الميزان والوردة والمصباح والسنبلة
بالداخلة

الميزان

احصدت الجيـها من جيها      والبلـــــــــدية يلصحـــــاب
الــوردة عاونـــــي فيـــها      كانك تفتحلي ذاك البـــا ب

الوردة

ماكطيـنا عدنا لــــــــثنين     كـون اصحـــاب وذا ماينعاب
والبلدية بعـــد امنيـــــــن     اتـرأسنــي لاهي تنجــــــا ب

الميزان

ذاك انشـــوف فيه  أهنيه     ظـرك الين انمـرس لاحـزاب
وانراو الحزب الاهـي بيه     تـــــــــرجح كفة  الإ نتخـاب

الوردة

ما نبغ نتحالف فامـــــرا ح   كيفك وأي حزب انــــــــــتداب
فالحكومة كيف المصبــا ح   غيــر الفصل ابرر الأسبــــاب

الميزان

نختير وذاكو نــــعت  الشور   ينضمـو ذ عين الصـــواب

المصبـــــــاح إنا واتراكتـــور   وانـــــــعدو تحالف ينهـاب

المصباح

ماكنت يالخلـــــــــــط فلشي   يســـو غير امال الل تاب

تاب الله اعليه وغــــــرشي   عني مانقفل  عنكم بـــاب

اتراكتور

التحالف عنـــــــــدي وجيه   واحر فيه اصحابي واحباب

نعرفهم غير امنــــين اجيه   المصباح اعليـــــــا يصعاب

الميزان

نحن والمصبــاح افذا الزر    لابده نصطحبو من بـــــاب

مصالحنا واللي يكــــــــــدر   يضنهــا فيه الا لصحــــا ب

السنبلة

حس الميــزان اغازل كـان    فلــشي هون ادور تكــــــلاب

اعـــــــلى مصباحي دوران   ذاك الشاف الميزان اســـراب

الميزان

نبتت ذي السنبــلـــــة نبات   امتين ، وهــــــذي بعد اتراب

ماكانت تنبنهــــــــــا فالفات   غيـــــــر اللي كان ابعيد اكراب

اتركتور

تعكب فتنتكم ذيــــــك اتعود    افسعــــــدي ذ فصل الخطاب

والناس اطلصوها لاكعــود     اتحــــــــاني تحالف الاحزاب

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: